我係一個土生土長嘅香港人，之前唔係銀行出身，負責ERP (enterprise resource planning) 嘅系統，同埋一啲企業會用嘅applications。我之後由programmer轉為business consultant，再轉做project manager。
喺WeLab Bank工作嘅節奏係好快，有好多同事之間嘅合作。同我想像中唔同嘅係，呢度有好多face to face嘅溝通。係一個咁急速嘅工作節奏，有時真係要見面開會，一次過傾好曬佢，先可以加快項目嘅進度。
相比起其他行業，本地數字銀行受到嘅監管會比較多同嚴謹。不過我哋根深柢固嘅startup基因令我地比起傳統銀行有更大彈性同靈活度。另外，數字銀行仲係一個起步嘅階段，我地有個空間去試邊啲野可行，邊啲野唔可行。加上係WeLab嘅大家庭入面，大家都好open-minded，會好樂意去傾。只要係符合行業規範，其實用咩方法去試﹑去做都可以。
啱啱加入WeLab Bank嘅時候，我覺得公司畀到好多支持我。而且唔少同事都好後生，對工作亦好有熱誠，所以大家會好樂意去幫你，真正體現 “never not my job” 。呢度嘅工作係好有挑戰性，亦好有趣。因為有時你要做一啲你想像唔到嘅嘢，例如處理同事之間嘅溝通，或者有啲監管問題突然要處理。而我哋呢個行業好新，有時都冇先例可以參考，所以喺呢種工作環境裡面，要好有條理去應對唔同情況，係好有挑戰性，但我從中係有好多得著。
如果要我俾啲tips想做fintech嘅朋友，首先唔好覺得fintech呢個名嚇親， 以為佢好艱深其實Fintech＝ finance ＋ technology，好多人都有能力應付。不過始終香港有8間數字銀行，加埋傳統銀行，行業競爭好大，工作節奏會好快同埋要面對嘅壓力都唔細嘅，而且香港嘅數字銀行業係一個受高度監管嘅行業我地就要學識喺跟足規管之下，都好可以好靈活咁做野，係一個好好嘅學習過程。
如果你都對fintech行業有興趣，入去睇吓有無啱你嘅機會啦！https://www.welab.co/zh-hk/careers/
分类