80萬存款保障計劃 令你安心存錢入數字銀行
講起數字銀行，唔知大家第一時間會諗起啲咩呢？今次就同大家釐清返「數字銀行唔可靠」嘅誤解，順便一齊認識吓WeLab Bank啦！聽聞數字銀行唔可靠，係咪真㗎？相信唔少第一次接觸數字銀行嘅人，都會擔心存錢入數字銀行可能會存在風險。事實上，數字銀行受金管局嚴格嘅條例監管㗎！除咗幾間境外註冊嘅銀行因為喺註冊當地已經有類似嘅存款計劃保障，而獲存保會所豁免之外，喺香港嘅所有持牌銀行都係存保計劃嘅成員嚟㗎。WeLab Bank係一間點樣嘅銀行呢？WeLab Bank 係一間受香港金管局監管嘅持牌數字銀行，並由亞洲領先嘅金融科技公司WeLab Group所創立。身為科技愛好者，WeLab Bank成日都會諗點樣先可以將最新嘅科技融入大家每一日嘅理財生活，致力以科技提升香港嘅銀行體驗！所以，作為持牌銀行之一嘅WeLab Bank都係香港存款保障委員會（存保會）嘅存款保障計劃成員之一，咁大家就可以安心將錢放喺我哋到啦！存保計劃知多啲1.我要點先可以參加到呢個計劃？大家毋須自己申請參加，亦毋須就計劃繳付任何費用，就可以自動受保。如果不幸有存保計劃成員銀行﹝計劃成員﹞倒閉，存保計劃會向每位受影響存款人嘅合資格存款發放補償，最高保障額為每名存款人港幣80萬。2.補償金額係點計㗎?存保計劃之下，每位存款人喺每家銀行受存保計劃保障嘅合資格存款（包括本金及利息），無論幾百蚊、幾千蚊、甚至係幾萬蚊都可以獲得最高港幣80萬嘅保障。例如，如果喺同一間銀行有超過一個戶口，所有戶口嘅存款將會合併計算；而如果存款係存放於唔同銀行，則每間銀行將會分別獨立計算。3.邊啲存款係受到保障？基本上，常見嘅存款，例如往來賬戶、儲蓄賬戶，同埋年期為五年或以下嘅定期存款，都係合資格存款！而呢啲存款當中，無論係港元、人民幣及外幣存款都會受到保障。而如果你係喺海外地區嘅銀行分行開戶口，存款就會屬於離岸存款，咁就唔會受存保計劃保障㗎喇。睇完以上嘅介紹，唔知有無加強咗你對WeLab Bank嘅信心呢？如果下次再聽到有人話「數字銀行唔可靠」，記得要Share返呢篇文章畀佢哋睇喇！