想唔想知道更多關於 WeLabber 嘅生活？繼續睇落去啦!大家好，我叫Leo，係WeLab Bank Infrastructure team嘅其中一員。嚟咗WeLab Bank就快兩年，見證咗銀行嘅成立、手機程式嘅出生，亦見證咗不同領域嘅創新，體驗咗不同WeLabber嘅努力，我感到好自豪。今日好榮幸可以同大家分享一下我係WeLab點樣堅持，點樣一步一步咁走到達成目標。初初嚟到WeLab嘅時候，其實係比較擔心，因為我之前係傳統IT同埋傳統bank工作，擔心係呢個fin tech 為主嘅新環境，自己可唔可以勝任呢個職位。那時，我定咗一個目標，每日問多一點，學多一點，做多一點，唔好怕辛苦，唔好怕麻煩，唔好怕蝕底。開始嘅時候係摸索階段，所以我就不停咁問: 呢個應該怎麼做？有無政策？有無標準？有無實踐過？因為咁樣大家會傾到一個共識，之後就唔會走冤枉路。因為我發現，一個人嘅想法可能唔錯，但集思廣益出來嘅一定會更好。第二，就係學。學新嘅技術、新嘅知識，有野唔明白嘅就搵文件，查下網上嘅解釋，同身邊嘅同事交流。明白咗之後，就學以致用，然後再分享給其他想學嘅同事。第三，就係做。同項目經理商討同編排每日嘅工作內容，根據會議結果或者新傳達嘅任務要求，一個一個咁去完成。從錯誤中吸收教訓，提升效率。如果時間充足，就唔好倉促交功課，要做到超前考慮，識變通，同埋要有可持續性。這三個方面，其實都有一個共同點，就是同團隊一齊合作，咁樣做事先至事半功倍。當然，我上面所講嘅都唔一定都啱，不過都可以畀大家參考下。因為每個人應該根據自身嘅特點、優勢，去選擇同發展。如果大家有興趣，入去睇吓有無啱你嘅機會啦！
https://www.welab.co/zh-hk/careers/
Insider Magazine – 第一章 Leo Du (Infrastructure, WeLab Bank Tech)
