清卡數大作戰：結餘轉戶可能係你最好嘅選擇 │ WeLab Bank

信用卡有咁多簽帳優惠，一唔小心，卡數就會愈碌愈多，甚至超出自己嘅經濟能力，找卡數靠還 min pay，卡數分分鐘要十年先還得清！每個月都要為卡數作戰嘅你，可以考慮結餘轉戶呢個清數貸款方案，集中解決雪球愈滾愈大嘅問題，實行「一招徹底清數」！咩係結餘轉戶？
結餘轉戶又名「清數貸款」，係由銀行或財務機構提供嘅清數貸款計劃，透過集中處理客戶唔同嘅信用卡卡數、銀行或財務公司貸款，以更低年利率，幫客戶「卡數一筆清」。客戶亦因此節省額外利息支出，同時減輕每月還款額。結餘轉戶有咩好處？

節省利息支出：大部分信用卡嘅實際年利率一般高達 30% 以上，如果只還 min pay，利息更以複息計算，卡數還款期亦相對變得長同不確定；相比之下，結餘轉戶貸款嘅實際年利率較低，大約 5% 至 19% 左右，貸款利息以「息隨本減法」計算，還款期亦相對短，有助清卡數人士儘快回復自由身。
減輕供款壓力：呢種清數貸款嘅還款期亦較有彈性，客戶可按個人財務需要及狀況，制定適合自己嘅卡數還款計劃，例如係延長還款期以降低每月總還款額，減輕每月供款壓力。
幫助資金周轉：部分結餘轉戶清數貸款更提供套現服務，即使客戶喺清還卡數同債務時，當有急事需要資金周轉，亦可提取額外備用現金去應付。
方便：由於呢種清數貸款幫助集中清還唔同卡數同貸款，客戶只需於一間銀行或財務機構處理清數還款，程序變得更簡單，亦毋需因為忘記不同卡數嘅還款日期，而增加罰款機會。
改善TU信貸評級：清數貸款透過集中清還唔同卡數同貸款，以避免信貸評級因拖欠唔同卡數而變得愈來愈低。客戶如果能準時還款，信貸評級亦有望逐漸回升。

結餘轉戶等同私人分期借貸？雖然結餘轉戶嘅性質與私人分期借貸相似，但係兩者喺貸款用途同放款方式都截然不同。結餘轉戶：主要以清還債務為目的，放款方式通常直接存入指定信用卡同貸款戶口，或者以本票郵寄畀客戶，讓客戶自行償還卡數或債務。不過，部分銀行現時更提供還款及套現並行嘅清數貸款，幫助客戶喺清數嘅同時，亦可以有一筆額外資金周轉。私人分期借貸：一般都唔會限制用途，你可以用呢筆貸款作清數之用。只要一經批核，貸款會以現金提取，或即時銀行過數。咩人最適合申請結餘轉戶？如果每個月只能負擔 min pay，甚至以「卡冚卡」形式清還卡數而跌入「卡數黑洞」，再加上不同債務陸續出現逾期還款情況，申請結餘轉戶就可以幫你渡過難關。此外，信貸評級會因為過度借貸及拖欠還款，而變得愈嚟愈低，如果想申請低息私人貸款還卡數，恐怕會有難度，呢種清數貸款方案便成為清數不二之選。傳統銀行 VS 數字銀行傳統銀行與數字銀行均推出結餘轉戶清數貸款計劃，最大分別莫過於數字銀行嘅申請手續較簡單，全程毋須露面， 7x24 經 app 申請及確認放款，大大減少借貸時因龐大卡數而產生嘅尷尬感，亦可隨時隨地快速清數。清卡數其他建議要解決卡數煩惱，結餘轉戶貸款方案只係其中一個清數方法。如果你嘅卡數程度未去到借清數貸款，但係又想知道其他清數方法，以下嘅清數建議會比較適合你：

開源節流：增加收入及減少消費能夠有效減輕清數負擔，同時避免增加新嘅卡數債務，幫助縮短還款期。
減低信用卡信用額度：減少不必要嘅開支，透過減低信用卡信用額度，有助制止過度購物，加強控制消費。
卡數分期計劃：透過申請「月結單分期」，還款期可長達 36 個月，減少一次過清數嘅壓力。雖然卡數分期會涉及手續費，但相比只還 min pay依然更為「慳息」。
稅貸：現時唔少銀行或財務機構喺每年稅季（ 10 月至翌年 4 月）都會推出低息稅貸，年利率一般較普通貸款低。如果清數還款時剛好遇上稅貸季節，不妨考慮用呢種貸款幫助清還卡數。

如果你仲為清卡數感到困擾，但係唔知邊個清數貸款計劃適合你？WeLab Bank 獨家研發「貸款智囊」¹為你提供合適嘅清數貸款方案，再加埋「結餘轉戶貸款」助你一次過還清卡數。想了解更多詳情，可以瀏覽：https://www.welab.bank/zh/feature/debtcon_loan/借定唔借？還得到先好借！¹貸款智囊是指WeLab Bank自行研發的審批系統及貸款跟進團隊，計算審批結果及就客戶信貸情況所提供的專業意見。