匯立Mastercard®扣賬卡一張卡搞掂晒

一張卡滿足你所有消費同理財需要！你除咗可以喺手機app控制你嘅所有支出，仲可以喺全球所有接受Mastercard嘅鋪頭或網站碌卡簽賬，以及全港嘅銀通（JETCO）同Cirrus^{^} 自動櫃員機提款。

^{^}可能收取額外費用

debitcard_tc

虛擬扣賬卡開戶即用

你嘅WeLab Bank賬戶會附上一張虛擬扣賬卡，你可以喺申請實體卡之前，率先用佢嚟進行網上交易。

立即下載

時尚、實用、安全

設計時尚前衛嘅匯立Mastercard扣賬卡上無任何卡號、安全碼（CVV）或有效日期，目的係避免扣賬卡資料被盜取，令你可以安心享受扣賬卡多姿多采嘅電子消費服務。

如何在開戶後申請實體卡

全面支援Apple Pay 一拍即付

開戶後將匯立Mastercard扣賬卡加入Apple Pay，用手機都可以快捷，安全地消費兼賺獎賞。

條款及細則

智能升級助你全面掌控所有消費

透過「財務概覽」功能，幫你分析每月開支，所有消費數據一目了然，更可同相似你嘅用戶比較消費習慣，啟發你去完善自己嘅理財規劃。

了解更多

點將你嘅匯立Mastercard扣賬卡加入Apple Pay？

第1步

喺你嘅Apple裝置打開WeLab Bank app。

第2步

去「Debit Card」頁面，撳「加入至Apple Wallet」，然後跟據熒幕指示。你亦可以喺你嘅裝置打開「銀包」app，再撳「+」去開始程序。

第3步

當你跟指示完成後就搞掂喇！用張卡之前記得要入錢落你嘅WeLab Bank戶口啊！

^{Apple、Apple logo 、Apple Pay、 iPhone 、 iPad及TouchID 為 Apple Inc. 在美國及其他國家 / 地區之註冊商標。}

申請匯立Mastercard扣賬卡

立即下載WeLab Bank app，率先體驗全新嘅理財概念！

遇到問題？有我哋幫手！

以下係有關匯立Mastercard扣賬卡嘅常見問題，希望可以幫到你解決疑難!

匯立Mastercard扣賬卡有乜野特別㗎？

匯立Mastercard扣賬卡就係結合咗提款卡同Mastercard！只要銀包有呢一張卡，你就可以喺全港嘅銀通（JETCO）或CIRRUS 自動櫃員機提款（留意返可能需要手續費）。你亦可以喺任何接受Mastercard 嘅鋪頭或地區用匯立Mastercard扣賬卡去俾錢，所有交易都會由你嘅戶口扣數，令你唔會先洗未來錢，一齊投入「再見超支，健康預算」嘅消費生活👋!

實體扣賬卡同虛擬扣賬卡有乜分別？

虛擬扣賬卡同普通嘅扣賬卡一樣，唯一分別在於佢係虛擬嘅！你可以透過Mastercard網絡進行網上交易。

成功開戶後，你會馬上收到一張虛擬扣賬卡，所以你已經能夠即時消費喇！你仲可以要求申請附帶嘅實體扣賬卡，方便喺唔同嘅商店進行交易。你將會喺申請後大約5至7個工作日收到呢張實體扣賬卡。

收到實體扣賬卡之後，係唔係要啟動先用得㗎？

係呀，基於安全考慮，你收到嘅實體扣賬卡係必須喺app啟動之後先用得！

你可以喺登入賬戶之後，撳「扣賬卡」＞「啟動實體卡」，然後掃瞄喺卡上嘅二維碼去啟動新卡。咁就可以啟動你嘅新卡同開始消費啦！

點樣將匯立Mastercard扣賬卡加入 Apple Pay？

你可以透過兩種方法將匯立Mastercard扣賬卡加入 Apple Pay：

透過你嘅 WeLab Bank app – 登入 WeLab Bank app > 撳「扣賬卡」> 撳虛擬卡下方嘅「加入到 Apple Wallet」圖標，然後按照說明進行操作。
透過 Apple 嘅電子錢包 app – 你可以手動輸入你嘅銀行卡詳細資料。

提示：喺收到實體卡之前，直接將匯立Mastercard扣賬卡加入 Apple Pay去即刻開始消費！

我可以喺幾多部Apple裝置加入匯立Mastercard扣賬卡？

你可以將匯立Mastercard扣賬卡加入到任何支援Apple Pay嘅Apple裝置 ( 例如 iPhone, Apple Watch, iPad, Mac )。請登入 Apple 網站以了解更多有關裝置兼容性嘅資訊：按此。

當我用Apple Pay畀錢，會唔會收到通知？

會啊！你將會同時收到由電子錢包app同WeLab Bank發出嘅通知。記得小心檢查你嘅交易資料，如果你未授權交易或者有任何問題，就要立即話畀我哋知喇！

透過Apple Pay進行嘅交易，可唔可以獲得WeLab Bank提供嘅獎賞？

當然可以！無論係用實體匯立Mastercard扣賬卡定透過Apple Pay用匯立Mastercard扣賬卡進行交易，你都可以根據每個優惠活動嘅條款及細則，賺取相同獎賞。

如果唔見咗張已經加入Apple Pay嘅實體扣賬卡，我應該點做？

唔使緊張，有我哋幫手！萬一你搵唔到張實體扣賬卡，你可以撳「扣賬卡」>「報失卡」要求補發新卡。

收到你嘅「報失卡」要求後，我哋會即時凍結你舊有嘅扣賬卡，以避免其他人盜用。為咗安全起見，我哋會為你發出全新卡號同 CVV 安全碼嘅虛擬扣賬卡，等你可以即時使用，同時將包含新卡資料嘅全新實體卡發送到你嘅郵寄地址。

如果你已經將舊卡加入 Apple Pay，記得透過以下方法更新你嘅卡資料：

（i）喺你嘅電子錢包移除舊卡，以及（ii）透過 WeLab Bank app 或直接喺 Apple 電子錢包加入新卡。

根據WeLab Bank嘅賬戶條款，如果你遺失匯立Mastercard扣賬卡或遭竊，而你並無涉及欺詐或嚴重疏忽行為及於合理時間內已通知WeLab Bank，你須承擔嘅責任上限為HKD 500。

如果我嘅Apple Pay裝置唔見咗，我應該點做？

如果你唔見咗手機，請儘快致電（852）3898 6988 聯絡我哋嘅客戶服務中心，以便我哋幫你暫停銀行戶口同銀行卡嘅服務。暫停服務後，你將無法使用銀行戶口。同時，無論透過虛擬卡、實體卡定係Apple Pay，你都都無法將卡加入到其他裝置之中。

提提你：你仲可以透過 iCloud 將手機標記為已遺失。當戶口鎖定後，Apple Pay將被停止使用，而喺戶口解鎖之前，你都無法使用匯立Mastercard扣賬卡。