入錢，從此更簡單
透過「轉數快」嘅「電子直接付款授權」增值服務，你可以經由我地嘅 app 綁定指定銀行嘅戶口然後直接提取款項。唔洗轉 app 都可以輕易喺你嘅其他銀行戶口入錢過嚟！
入錢到WeLab Bank戶口，唔使再喺啲銀行app周圍走！ 一個WeLab Bank app就搞掂晒。只要簡單綁定你喺其他銀行嘅戶囗1次 ，以後就可以隨時用WeLab Bank app入錢，10分鐘內*就到賬!
*實際戶口綁定同轉賬所需時間視乎付款銀行處理而定
唔洗再心掛掛記住幾時入錢啦！而家用我哋嘅自動入錢功能，即可預設指定日子入錢，為之後嘅交易做好準備。
同時我哋致力為你提供智能嘅銀行體驗，因此你可以設定戶口結餘不足時自動增值戶口。就好似每當你用咗張WeLab Debit Card 消費，我哋就幫你自動入番錢*，等你準備好買下一次嘢！
*當核心賬戶結餘不足預先設定金額時
選擇按不同嘅時間（每日、每星期、每兩個星期、每月），又或者當戶口結餘低於特定金額時入錢。自訂真正符合你財務需要同習慣嘅自動入錢規則。
即使我地未提供出糧戶口，你都可以設定每月自動入錢過嚟，以便享用我哋各項銀行服務。
又或者透過自動增值你嘅戶口，你可以避免下次喺店舖用 Debit Card 時出現交易被拒嘅尷尬場面 （諗下後面條隊有幾多人望住你？👀）
撳立即登記
如果你從未綁定或現時未有綁定戶口，你可以喺「存款與轉賬」嘅頁面撳「存款」然後「立即登記」嚟綁定你名下其他銀行戶口進行入錢。
如果你想新增其他銀行賬戶，撳已綁定銀行彈出其他銀行選單，揀最底嘅「新增綁定賬戶」
選擇銀行
揀選你想綁定嘅銀行。
輸入綁定銀行嘅戶口號碼
銀行編號已自動預先輸入好，你只需要輸入綁定銀行嘅戶口號碼。
設定每日入錢上限
每日入錢上限預設為HKD 30,000，你可按自己需要更改每日從呢個綁定戶口入錢去WeLab Bank嘅上限。留意如果日後你想更改呢個限額，你需要重新綁定戶口。
成功綁定
收到雙方銀行嘅確認之後，你就可以喺我地嗰app度入錢！
首先喺主頁面㩒「存款」
按上面指示綁定你嘅其他銀行戶口，或選擇你已綁定嘅其他銀行戶口
輸入每次入錢嘅金額
點選「自動入錢」，選擇自動入錢嘅開始日期同規則類型
㩒「確定」儲存規則。如果入錢嘅條件符合你宜家嘅情況，就會馬上入錢一次
你可以喺「自動入錢設定」頁面查看你所設置嘅自動入錢規則。首先前往「存款與轉賬」頁面，然後㩒「設定」
立即下載 WeLab Bank app， 開啟新世代銀行服務 ！
