如果我唔見咗張實體Debit Card 應該點做？我需要就遺失卡時發生嘅交易負責嗎？
唔使緊張，有我哋幫手！萬一你搵唔到張實體Debit Card，你可以撳「Debit Card」>「報失卡」要求補發新卡。但請注意當你喺同一曆年申請報失卡超過四次或以上時，我哋將會停用你WeLab Bank App嘅報失卡功能。如你需要報失卡，你需要致電客戶服務熱線（852）3898 6988聯絡我哋。根據WeLab Bank一般服務收費，如你喺本曆年申請補發新卡達5次或以上，我哋將會向你徵收HKD 50補發卡費用（以每張計）。收到你嘅「報失卡」要求後，我哋會即時凍結你舊有嘅Debit Card，以避免其他人盜用。為咗安全起見，我哋會為你發出全新卡號同CVV安全碼嘅虛擬Debit Card，等你可以即時使用 ！如你已於電子錢包、付款渠道、或任何自動轉賬服務中綁定舊卡，請適時綁定你的新卡及更新有關自動轉賬指示。根據WeLab Bank嘅賬戶條款，如果你遺失WeLab Debit Card或遭竊，而你並無涉及欺詐或嚴重疏忽行為及於合理時間內已通知WeLab Bank，你須承擔嘅責任上限為HKD 500。
Was this article helpful?
