支援 | WeLab Bank

(1) 我可以點樣認購或贖回基金？<透過自選基金服務>

認購基金：你可以撳「自選基金」分頁，再撳「選取精選基金」然後揀選基金，並按應用程式上的指示完成交易。
贖回基金：你可以撳「自選基金」分頁，再撳現有基金持倉，並按「賣出」並按應用程式上的指示完成交易。

<透過GoWealth 智動投資顧問服務>

認購投資組合：你可以撳「智動投資顧問」分頁，再撳「設立新目標」然後完成目標設定。你可以提交一次性投資指示及/或每月投資指示。
贖回投資組合：你可以撳該目標進入目標詳情，然後再撳「賣出」掣贖回指示。因應你輸入嘅贖回金額，你可能會贖回全部或部份投資組合。我哋會運用你輸入嘅贖回金額，根據現時投資組合以及其最新NAV，估算出每個可贖回基金單位嘅數目。而實際贖回金額則會以基金交易日嘅NAV計算。

(2) 我點樣經WeLab Bank app發出交易指示？我嘅指示會幾時執行？指示執行嘅截數時間係幾時？你可以任何時間經WeLab Bank app發出交易指示。如果你於交易日截數時間之前下單（即香港時間下午3點），你嘅指示會於同日執行。如果你於截數時間後或非工作日/非基金交易日下單，你嘅指示將會於下一個工作日執行。註: 投資組合中的單項基金的交易日有可能不同，因此其交易指示執行日或會有所不同，而你亦會有可能收到多於一張的成交單據。有關單項基金的交易日，請參考相關基金文件。(3) 認購費最低金額係？你可以以低至100港元或15 美元的（只適用於自選基金服務）金額開始投資。(4) 我可以用其他貨幣交易嗎？<自選基金服務>

「用港元付款」，代表我哋會將你嘅可用港元結餘轉換為美元去處理所有基金交易。

<GoWealth智動投資顧問服務>所有投資組同建議都係以美元計價既嘅基金組成。目前，你喺設立目標時只可以選擇用港幣付款。

用港元付款，代表我哋會從你嘅可用港元結餘轉換為美元去處理所有基金交易；
用美元付款（目前未有此服務）代表我哋會直接由你外幣賬戶扣賬，去處理所有基金交易。

請注意，你只可以喺建立目標時選擇付款貨幣。當你確定付款貨幣後將無法更改。喺一次性投資或每月投資指示進行前，請確保於賬戶中有足夠你所選擇嘅付款貨幣嘅結餘去處理指示。App內頁面所示匯率只供參考—交易將以實際匯率作準。實際匯率將會於完成交易時確認。(5) 我點樣先知我成功下單？下單後，App將會(1)通知你嘅指示已經處理緊以及(2)向你提供交易參考編號。我哋亦會經應用程式推送通知、短訊同電郵向你送出通知。你亦可以到「我的賬戶」>「理財服務中心」>「交易指示狀態」了解詳情。此外，喺你收到相關嘅我哋亦會經應用程式推送通知、短訊同電郵通知後，你可以到「我的賬戶」>「電子賬單 / 電子通知書」>「電子通知書」快速查看你嘅成交單據內容。你最多可以查閱7年內嘅電子通知書，而你亦可以下載、儲存及列印呢啲PDF檔案。(6) 我可以用手機修改/取消指示嗎？當你完成下單，系統將會按照你嘅指示執行而且不接受任何修改。不過，你可以於完成指示當日下午2點前（如果你於交易日香港時間下午3點前下單），或下一個工作日2點前（如果你於交易日香港時間下午3點或之後以及非工作日下單）致電我哋客戶服務部熱線+852 3898 6988取消指示。一旦過咗期限，所有取消申請均無法處理。如果你成功取消交易指示，認購費將會退回至你嘅港元核心賬戶，而你的認購金額將會退回至你嘅美元賬戶。(7) <只適用於GoWealth智動投資顧問服務>關於我目標投資組合嘅表現或成分，會傳送通知畀我嗎？我收到「偏離進度」或「更新投資組合建議」提示，點算好？<只適用於GoWealth智動投資顧問服務>我們會不時評估你嘅投資目標嘅最新進度，並經應用程式推送通知、短訊同電郵向你提供「智動」提示，我哋會經應用程式推送通知、短訊同電郵向你送出通知，提示你目標嘅進度（如「偏離進度」提示）及投資組合重檢（如「更新投資組合建議」提示）（如有）。當你收到「智動」提示以提示你目標嘅進度或投資組合重檢時，你可以：

根據應用程序中的說明編輯你嘅目標設定（例如每月投資金額、目標特定投資年期、目標財富等）以獲得新的投資計劃。於編輯後，你或會收到新投資組合建議，而你可選擇是否接受其建議。詳情可參考問題8。
你可保留現有目標的投資組合及每月認購指示，但請注意現有投資組合未必能達至你預期的目標。不過，我們仍會不時追蹤你的進度。

在做出任何投資決定之前，你需要小心考慮投資目的、風險、收費同開支，如有需要可以尋求獨立專業建議。(8) <只適用於GoWealth智動投資顧問服務>當我修改我嘅目標設定後，有一個更新嘅建議。「全新投資組合」以及「重新調整投資組合」嘅意思係？萬一我唔根據更新嘅投資組合建議選擇會點？<GoWealth智動投資顧問服務>基於你最新嘅目標設定、目標特定嘅個人情況，我哋會為你提供更新嘅投資組合建議。全新投資組合建議：基於你最新嘅目標設定、目標特定嘅個人情況，我地會提供最新嘅投資組合建議。重新調整投資組合建議：當你嘅現有投資組合同投資組合建議嘅基金配置有明顯分別*，透過重新調整投資組合，你可以調整你現有基金持有比重，令佢回復投資組合建議中嘅原定資產配置。*當你嘅現有投資組合裡面嘅所選取基金同投資組合建議中嘅原定資產配置所累積嘅偏差達10%。如果你接受建議，我哋將遵照你嘅指示，根據你現有投資組合中嘅基金比重同新建議嘅差異，(1)贖回你現有投資組合當中部份或全部基金的權益，(2)於贖回指示結算後，用贖回交易所得嘅金額去認購相關基金單位，以達至新投資組合建議嘅預期基金比重。實際交易金額以及基金單位數目，將於相關買賣嘅成交單據上列明。如果你選擇不接受建議，你嘅現有投資組合可能無法幫你達成預期目標。備註：如果你轉換/重新調整投資組合指示包含買入指示，將會衍生認購費。演算法喺提供全新投資組合或重新調整投資組合建議時，並唔會考慮你進行全新投資組合或重新調整投資組合指示時所衍生嘅額外費用或收費。當你考慮是否接受建議時，除其他相關因素外，亦需要考慮所衍生嘅額外費用。另外，喺現階段，我哋無法支援你喺設定目標後為你嘅現時投資組合建議增加一次性投資金額。(9) 完成處理指示需要幾耐？買入或賣出指示嘅話，當指示開始執行之後，通常需要3至4個工作日去處理。

買入指示：交易金額會於指示發出時從你可用結餘中扣除（以你所選擇嘅投資金額貨幣或以港幣作認購費[只適用於GoWealth智動投資顧問服務]），基金單位則會於結算時存入你的投資賬戶。
賣出指示：基金單位會從你投資賬戶中提取並出售，結算後所得出嘅結算款項，會盡快以基金計價嘅貨幣存入你嘅外匯賬戶（視乎情況而定）。
轉換/重新調整投資組合指示（只適用於GoWealth智動投資顧問服務）：如果指示由賣出及買入指示組成，需要約6至8個工作日完成轉換或重新調整指示嘅結算。

(10) <只適用於GoWeatlh智動投資顧問服務>我可以贖回投資組合中嘅單項基金嗎？<GoWealth智動投資顧問服務>你不可以贖回目標投資組合中嘅單一或多個成分基金。不過，你可以贖回你目標嘅部份投資組合，我哋會根據你目標嘅投資組合中每個成分基金嘅權重，贖回你目標嘅投資組合中嘅每個成分基金。(11) 我可以轉出理財服務嘅資產嗎？不可以，我哋唔支援轉出基金單位以及外匯。